மானாமதுரையில் போதைப்பொருள் தடுப்பு, பெண்கள் மற்றும் குழந்தைகளுக்கு எதிரான குற்றங்கள் குறித்த விழிப்புணர்வு பேரணி நடைபெற்றது.
திருச்சி இருப்புப்பாதை காவல் மாவட்டம் சார்பாக "போதைப்பொருள் தடுப்பு, பெண்கள் மற்றும் குழந்தைகளுக்கு எதிரான குற்றங்கள் குறித்த விழிப்புணர்வு பேரணி" சிவகங்கை மாவட்டம் மானாமதுரை ரயில் சந்திப்பு நிலையம் எதிரில், மானாமதுரை இருப்புப்பாதை காவல் நிலைய சார்பு ஆய்வாளர்கள் தனுஷ்கோடி மற்றும் முத்துப்பாண்டி ஆகியோரின் தலைமையில் நடைபெற்றது.
இந்த விழிப்புணர்வு பேரணியில் கலந்து கொண்ட மானாமதுரை வீரவிதை சிலம்ப பயிற்சி குழுவை சேர்ந்த 30-க்கும் மேற்பட்ட மாணவர்கள் சிலம்பம் சுற்றி, பேண்ட் வாத்தியங்கள் முழங்க விழிப்புணர்வு பேரணியில் ஈடுபட்டு காண்போரை மெய்சிலிர்க்க வைத்தனர் என்பது குறிப்பிடத்தக்கது. மேலும் இவ்விழிப்புணர்வு பேரணியில் காவல்துறையினர், ரயில் நிலைய ஊழியர்கள் மற்றும் பொதுமக்கள் பெரும் திரளாக கலந்து கொண்டனர்.
No comments:
Post a Comment