மானாமதுரையை அடுத்த அரிமண்டபம் மற்றும் அன்னவாசல் பிரதான தார் சாலையை சரிசெய்திட கிராம பொதுமக்கள் வலியுறுத்தல்.

மானாமதுரையை அடுத்த அரிமண்டபம் மற்றும் அன்னவாசல் பிரதான தார் சாலையை சரிசெய்திட கிராம பொதுமக்கள் வலியுறுத்தல். 

சிவகங்கை மாவட்டம் மானாமதுரை வட்டம் மேலப்பசலை பஞ்சாயத்திற்கு உட்பட்ட அரிமண்டபம் மற்றும் அன்னவாசல் பஞ்சாயத்திற்கு உட்பட்ட அன்னவாசல் பிரதான தார் சாலை மிகவும் அபாயகரமான நிலையில் உள்ளதால் பொதுமக்கள் மிகவும் அவதிக்குள்ளாகி வருகின்றனர். அவசர உதவிக்கும், அன்றாட பயன்பாட்டிற்கும் பொதுமக்கள் உபயோகிக்க தகுதியற்ற நிலையில் உள்ளதால் போக்குவரத்திற்கு சிக்கல் ஏற்பட்டுள்ளது. இதன் காரணமாக கொட்டக்காச்சியேந்தல், நரிக்குடி, வான்புரம், வளநாடு, தீயனூர், அன்னவாசல் மற்றும் அரிமண்டபம் உள்ளிட்ட பகுதிகளை சேர்ந்த பொதுமக்கள் கடும் அவதிக்குள்ளாகி வருகின்றனர். மழைக்காலம் தொடங்கியுள்ள நிலையில் மிகுந்த அச்சத்துடன் வாகன ஓட்டிகள் பயணித்து வருகின்றனர். 

இதுகுறித்து உள்ளாட்சி நிர்வாகத்திடம் கேட்டபோது ஆர்டர் வந்துவிட்டது இப்போது போட்டு விடுவோம், அப்போது போட்டு விடுவோம் என்று அலைக்கழித்து வருகின்றனர். எனவே உடனடியாக மாவட்ட நிர்வாகம் மற்றும் உள்ளாட்சி நிர்வாகம் தலையிட்டு நிரந்தர தீர்வுகாண வாகன ஓட்டிகள் மற்றும் சுற்றுவட்டார பகுதி கிராம பொதுமக்கள் வலியுறுத்தினர்.